EURO 2008 – Köbi's Elfer Schuel!
No Hundertsächzäh Daag und s’Warte isch verbyy
d’Wält luegt ind Schwyz, uff Basel, jäwoll am Ryy
Denn haissts Summer-Sujet „Mir spiile sy uss“
unseri Fuessballnati die Andere, kunnsch druss
Scho d’Schwobe hänn uns zaigt wies gooht
mit vyyl Enthusiasmus me die Usswärtige schlooht
Und au an unserer Euro sinn sii wie sy sinn
Europamaischder scho jetzt, ich glaub ich spinn
Gwinne duet nur aine, dass waiss jo jede
nai, nai, sicher nid, es sinn nid Schwede
Unseri Gron-Nassion wird’s richte
sy schrybe z’Wien im Final Fuessbalgschichte
D’Schwoobe schdolbere im Viertelfinal, oh jeh minee
iber iihri grossi Schnure, wirsch scho gsee
D’Italiäner kenne sich mid kainem mässe
sy hänn der Hoorschel dehai vergässe
Au der Eggs Europamaischter d’Grieche
dien unterem Rehakles jedes Spiil versieche
D’Tirgge hänns au nonig iberwunde
dass mir iihri WM-Hoffnige hänn underbunde
Au unseri flämische Holzschuefrinde
wärde nur Camping-Wältmaischder z’Aesch hinde
D’Russe rysse sich eh kai Bai uss, das isch klar
sy hogge lieber in Sanggt Moritz an der Promi-Bar
und d’Eschdrycher mit ihrem Wiener-Schmääh
mien sowyso ai Niderlag nach der Andere nääh
Bim Scheenhaidsdribble um d’Slalomschdange
blyybe d’Portugiise scho in der Vorrundi hange
D’Rumäne sinn nur die Dumme
sy zigünere uffem Spiilfäld umme
und d’Franzose die Mimose
mache sich jetzt scho vorem Materazzi in d’Hose
Bi de Schbannier isch alles no vyyl schlimmer
bi grosse Turniier verliere die sowieso immer
Au d’Poole wärde nid Europamaischder
denn au sii glaube nid an Gaischder
Die Tschechisch-Mannschaft hett wie wild gsuecht
und iihre Blatz im Joggeli-Altershaim buecht
D’Gool sinn hitte nimm uss Holz
das bricht au der schwedisch Ikea-Schdolz
Der Raki und der Petric stehn vorem Titel
aber au d’Kroate finde gege uns kai Mittel
Es ka also nur aine gää wo duet reüssiere
das sinn mir Schwyzer, mir Stiere
Kai Schaddefänger hietet me unser Gool
anstell vom Zubi ischs der Benalio, so hohl
und damit au wirgligg nit me schieff kha gooh
drenniere mir das Ditsche-Woterloo.
Also stregg dyni Zunge uuse, mach d’Auge zue
gingg uff der Ball denn hesch di Rueh.
Als Europamaischter ka der Köbi denn goo
mai wie sinn mir Basler frooh
der Hitzfäld hett zimlig sicher das Amt ibernoo
besser e Schwob als e Zircher, es isch esoo.
Scheeni Fasnacht
|
