Rod-Wyss isch Inn
Scheens Pordugal mir kemme
und dien dert d'Schwoobe iberrenne
wundere duets uns und mir frooge
wie der Keebi das gschafft hett, nid glooge
mit dere Schloofbillemotiwazion
d'EM-Quali z'iberstooh, dä Gloohn
aendligg kenne mir als Midglid vo der Uno brofidiere
und uns mit unserer Suweränität und Unabhängigkeit brofiliere
Leesige zer Fridenssicherig und zue Konfliggt
kemme jetzt au vo uns, das isch no gschiggt
doch stelle mir sehr schnäll fescht
dass der "Dobbel Ju" anderi Wäg gooht, den är isch der "Grescht"
Au bim Schiifaahre isch "Rod-Wyss" inn
das macht fir kaine im Momänd no Sinn
doch dängg emol ans Eschdrycher-Wappe
die schbaare an de Aaziig mit kaim ainzige Rappe
s'ainzig Loch wo die mien iberwinde
isch s'Eschdrycher-Loch in Wänge hinde
uff alli Fäll hänn die guet Lache
der Frehsner macht jetzt bi uns ain uff Drache
in Brissel steehnt me iber d'Schwyz
d'Gnaggnuss losst sich nid effne, s'isch e Witz
s'Schatzkischtli blyybt drotz Styrflucht zue
und unser Bangg-Ghaimnis wäährt no Joohre mee
im Land vo Kieeh, Kääs und Bärge
findsch nid nur glaini Zwärge
nai sin mir syt neischtem au bikannt
fir Hochseeschifffahrt, sisch frabant
d'UBS kennt no der Adlandig kaufe
und mit de Zircher iber d'Stadt Ziiri rauffe
denn gäbs weniger Reglamazione, unglooge
wurdis Meer anschdell vo Ziiri iberflooge
Rodscher haisst der Schdärn am Dennis-Himmel
isch das dää midem greschte ..........
........ Dennis dängg, oder was mainsch Du
jetzt wonär hett sovyl Gäld verdient
isch är uff der ganze Wäld beriemt
und dorum versteehn mir ihn au nid
dass är Personal-Yyschbarigs-Bolitig bedrybd
gschuddet wird jetzt au im Bundeshuus
si sueche sich e rächte Fliigel uss
die zwai dien fir alli Schwyzer dolleriere
dass d'Schugger d'Ussländer dien schigganiere
und wies eso im Fuessball isch
s'git bragtisch kaini Fraue, s'isch e Bschiss
Drumm singe mir ludd, nid hinder vorghaldener Hand
Blocher, der Grescht, im heren Vaterland
|
![Fasnacht 2004 [Kai Blatt vor s Muul!]](Bilder/fasnacht_2004.jpg)
