Bowle Waggis (Gegründet 1998) Bowle-Waggis Fasnacht 1999    s'isch ai uff und ai ab    Ussbroche isch e neye Wyyrus    s'isch s'YOYO und isch e Gruus    denn s'Lääbe isch jetzt ai Uff und ai Ab    und haltet alli rächt uff Trab    Nimmsch zem Byschpiil unsere Ef Ce Bee    denn duets dir bereits im Kopf scho wee    deert isch zwar mee ai Ab wie ai Uff    und allewyl e grosses Buff    Als Schiination wird's bi uns au immer schlimmer    goots bärgab verliere mir die Renne immer    am meischte ärgeret uns aber unverhoole    dass uns d'Eschtricher uff dr Pischte scho iberhoole    Au s'Milenium haltets mit em Yoyo glich    kai Budget haltets uss wirsch nimme riich    doch hesch e Compiuter erfunde ohni vyyl z'dängge    machsch jetzt mit Noochfolgeuffdrääg d'Stitz    muesch di bim schaffe nid verrängge    Dass d'Baasler und Zircher Frinde wärde    hätte mir nid glaubt uff Äärde    aber d'SBV und d'SBG hänn zaigt    dass e Fusionitis nid versait    die neyi UBS macht e riise Gump nach uffe    doch duet die Fraid schnäl wider verbuffe    das het denn au wider zeigt    abe gots mit de Zircher zu unserer Fraid    ufe mit uns Baasler wie mirs gweehnt    und so wärde si in Ziri wider nur verheent    Au die drei Eee sin schwär am singge    dien daas Joor wool no mee dringge    denn s'neye virti Eee isch koo    und hett dr Platz in dr Zytigi ibernoo    Uffwärts goots mit dee Usswärtige und Wyyber    Abwärts goots mit dene Hienerdriiber    Au Amerika hett dass YoYo Fieber iberkho    d'Wirtschaft buumt hänn mir vernoh    bim Clinton goots rapid bärgab    denn dää haltet d'Monika uff trab    Nur eppis loot sich vom YoYo nid aastegge    dass isch Viagra, do kasch verregge    Häsch aini gschluggt goots unde sehr stail uffe    nur aabe goots nimm, do druff kasch eine suffe        Mir vo de Bowle-Waggis winsche Eych e    scheeni Fasnacht ohni uff und ab Fenster schliessen